இங்கிலாந்தை வீழ்த்தி நான்காவது இடத்துக்கு முன்னேறிய நியூஸிலாந்து!

ஹாமில்டனில் நடந்த மூன்றாவது டெஸ்டில் இங்கிலாந்துக்கு எதிராக நியூசிலாந்து செவ்வாய்க்கிழமை 423 ஓட்டங்கள் வித்தியாசத்தில் அபார வெற்றி பெற்றது.

இந்த வெற்றியுடன் நியூஸிலாந்தின் மூத்த வேகப்பந்து வீச்சாளர் டிம் சவுதி டெஸ்ட் கிரிக்கெட்டில் இருந்து ஓய்வு பெற்றார்.

இங்கிலாந்துக்கு எதிரான டெஸ்ட் தொடரின் முடிவில் சவுதி நீண்ட கிரிக்கெட் வடிவத்தில் இருந்து ஓய்வு பெற விரும்புவதாக ஏற்கனவே குறிப்பிட்டிருந்தார்.

இந் நிலையில், மூன்றாவது டெஸ்ட் போட்டியின் நான்காம் நாள் ஆட்டமான இன்று, இங்கிலாந்தை வெறும் 234 ஓட்டங்களுக்கு ஆட்டமிழக்கச் செய்ததால், தனது டெஸ்ட் வாழ்க்கையை வெற்றியுடன் நிறைவுக்கு கொண்டு வந்தார் டிம் சவுதி.